Google ADS

Tenisti rus ‘pushton’ rrjetet sociale me veprimin për Ukrainën

12:21 | 9 Mars 2022
A. B.

Tenisti rus Danil Medvedev, numri 1 në botë për meshkuj, ka hequr flamurin e vendit të tij nga faqet e tij zyrtare në rrjetet sociale.

Javën e kaluar ai mori zyrtarisht kreun e renditjes botërore, por nuk e ka shijuar shumë këtë moment, për shkak të luftës Rusi-Ukrainë.

“Jam i lumtur, por emocionet që vijnë në këtë moment janë të dyjëzuara për shkak të situatës”, deklaroi tenisti rus.

Medvedev në turneun e Indian Uells do të nisë mbrojtjen e kreut të renditjes botërore. Ai dhe patrioti i tij Andrej Rublev disa herë kanë kërkuar që lufta të mbarojë.

“Dua të flas në emër të çdo fëmijë në botë, që të realizojnë ëndrrat e tyre dhe të mos shohin një botë me luftë. Unë besoj te njerëzit, te dashuria, te drejtësia dhe se të gjithë duhet të kenë një shans”, shtoi mes tjerash Medvedev.

Tenisti rus ka hequr flamurin rus nga profilet e tij duke dërguar mesazh për ndërprerjen e konfliktit mes Rusisë dhe Ukrainës. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm